წელიწადის ის დროა, როდესაც თქვენ ფიქრობთ საშობაო საჩუქრებზე, დაბადების დღის საჩუქრებზე ან უბრალოდ მნიშვნელოვან შენაძენზე თქვენი ოჯახისთვის. და უყურებთ ფასებს.
საქართველოში უახლესი iPhone მოდელები იწყება დაახლოებით 2,649 ლარიდან, უფრო ახალი მოდელები კი 3,000-4,000 ლარამდე მერყეობს. PlayStation 5 საქართველოში დაახლოებით 1,499 ლარი ღირს.
ხარისხიანი 3D პრინტერი? დაახლოებით 1500-2500 ლარი დამწყებთა საუკეთესო მოდელებისთვის.
საფასო დიაპაზონი მსგავსია, შედეგი კი სრულიად განსხვავებული
ნება მომეცით გაჩვენოთ, თუ რატომ ცვლის ყველაფერს ერთი შენაძენი.
რას იღებთ თქვენი თანხის სანაცვლოდ
ახალი ტელეფონი: ის უფრო სწრაფია. კამერა უკეთესია. თქვენ უფრო ეფექტურად სქროლავთ. ორ წელიწადში კი მოგიწევთ ახლის შეძენა. თქვენ დახარჯეთ 3,000-4,000 ლარი და მიიღეთ… ოდნავ უკეთესი მოწყობილობა იმისთვის, რასაც ისედაც აკეთებდით.
ფლეისთეიშენი: გართობა. თამაშები. სახალისოა ნამდვილად. თქვენი შვილები თამაშობენ საათობით. მაგრამ ამ საათების შემდეგ რა რჩება? გამოცდილება მიღებულია, დრო გასულია და საბოლოოდ მალევე გჭირდებათ შემდეგი თაობის კონსოლი.
3D პრინტერი: თქვენ ერთად ქმნით საგანმანათლებლო ნივთებს, რომლებსაც თქვენი შვილები რეალურად იყენებენ. ბეჭდავთ შემცვლელ ნაწილებს ახალი პროდუქტების ყიდვის ნაცვლად. ადიზაინებთ პერსონალურ საჩუქრებს, რომლებსაც ადამიანები აფასებენ. თქვენ ჭრით პრობლემებს სახლში. ასწავლით თქვენს შვილებს ინჟინერიას, დიზაინს, პრობლემების გადაჭრას. შესაძლოა, დაიწყოთ საკუთარი პატარა ბიზნესიც.
ერთი შენაძენი დროს გართმევს. ერთი გართობს. ერთი კი ქმნის.
ხარჯების რეალური შედარება
მოდით, რეალურად შევხედოთ ხარჯებს ორი წლის ჭრილში:
ტელეფონი:
- მოწყობილობა: 3500 ლარი (ახალი თაობის საშუალო iPhone)
- ჩასადები, დამცავი, აქსესუარები: 100 ლარი
- სულ: დაახლოებით 3600 ლარი
- რას გრჩება 2 წლის შემდეგ: დაძველებული ტელეფონი, რომელიც შესაძლოა ღირდეს 100 ლარი.
ფლეისთეიშენ 5:
- კონსოლი: 1,500 ლარი
- ექსტრა პულტი: 150 ლარი
- 4-5 თამაში, თითო 100-150 ლარი ღირებულების: 600 ლარი
- ფლეისთეიშენ 5 პლუს წევრობა: 150 ლარი/წელი x2 = 300 ლარი
- სულ: დაახლოებით 2550 ლარი
- რა გრჩება 2 წლის შემდეგ: კონსოლი, რამდენიმე თამაში და მოგონებები ხალისიან თამაშებზე.
3D პრინტერი (დამწყები დონე):
- პრინტერი: 2550 ლარი
- ფილამენტი 2 წლის მანძილზე (1კგ/თვე): 480 ლარი
- სულ: დაახლოებით 3000 ლარი
- რა გრჩება 2 წლის შემდეგ: მუშა პრინტერი, შეძენილი ახალი უნარები, დიზაინების ბიბლიოთეკა, ათობით შექმნილი საჭირო ნივთი, რომელიც ჯერ კიდევ გამოყენებაშია.
3D პრინტერი დაახლოებით იმდენივე ღირს, რამდენიც PlayStation-ის კომპლექტი, და ნაკლები, ვიდრე ახალი iPhone.
მაგრამ აი, რას არ აჩვენებენ ციფრები
ჩემი შვილის ისტორია ერთადერთი არ არის. იმ ზაფხულს, როდესაც ვშიშობდი – მის მიერ თამაშებში დაკარგული სამი თვის გამო – ტრანსფორმირდა, როცა მივიღეთ ჩვენი პირველი 3D პრინტერი. არა იმიტომ, რომ თამაშები ავკრძალეთ, არამედ იმიტომ, რომ გამოჩნდა რაღაც უფრო მიმზიდველი.
ის ნელნელა შეიცვალა გართობის მოხმარებლიდან გადაწყვეტილებების მიმღებზე. პასიური ეკრანის დროიდან აქტიურ შექმნაზე. სიტყვა “მოვიწყინე” გახდა “ვადიზაინებ რაღაცას”.
ახალი ტელეფონ ამას გააკეთებდა? PlayStation-?
რა იქმნება
9 თვეში ჩვენი პრინტერით, ჩვენ შევქმენით:
საგანმანათლებლო ინსტრუმენტები: მათემატიკური მანიპულატივები ბავშვებისთვის, სამაგიდო თამაშები, ისტორიული ფიგურები და სხვა.
პრაქტიკული ნივთები: გატეხილი ნივთების ნაწილები, ორგანაიზერები, ავეჯის ნაწილები, ტელეფონის სადგამები, კაბელების ორგანაიზერები, ლარნაკები, ქოთნები, ქოთნების სადგამები და დრენაჟები, სათვალის ჩასადები, საკალმეები და სხვა.
საჩუქრები: პერსონალური გასაღების საკიდები, ორნამენტები, ორიგინალური დეკორაციები, ჩვენი ძაღლის ფიგურა, მუსიკალური ბრელოკები, ნაძვის ხის სათამაშოები და დეკორები, ხმლები, საყურეები, აქსესუარები, ეზოს თამაშები და სხვა.
სწავლის გამოცდილება: ჩემი შვილი ადიზაინებს, უმკლავდება გამოწვევებს, ჭრის პრობლემებს – ნამდვილი STEM განათლება ხდება ბუნებრივად.
შეგვეძლო თუ არა ამ ყველაფრის შეძენა? ზოგიერთის, რა თქმა უნდა! მაგრამ რა საერთო ღირებულება ექნებოდა? და შეძენილი ნივთებიც ისეთივე ცოდნას მიცემდა დიზაინზე, ინჟინერიაზე და კრეატიულ პრობლემების გადაჭრაზე?
სოციალური ელემენტი
“მაგრამ PlayStation სოციალურია! ბავშვები ერთად თამაშობენ ონლაინ!”
მართალია. არ ვარ გეიმინგის წინააღმდეგი. მაგრამ გაითვალისწინეთ:
ჩემმა ვაჟმა (14 წლის.. გუშინდელიდან უკვე 15) თავის მეგობართან ერთად მცირე ბიზნესი დაიწყო. მას შეხება აქვს მომხმარებლებთან. მას სჭირდება პრობლემების მოგვარება საჭიროებებიდან გამომდინარე. ის აგვარებს პროდუქციის შექმნის და მიწოდების საკითხებს. ის ითვლის შემოსავალს, გასავალს და ზრუნავს მომხმარებლის უფლებებზე.
ჩემი ქალიშვილი ბეჭდავს საჩუქრებს მეგობრებისთვის, მონაწილეობს ოჯახის დიდი ბიზნესის ვებგვერდის შექმნასა და მართვაში, მარკეტინგში, მიწოდების სერვისში, 3D დიზაინერებთან და პარტნიორებთან კომუნიკაციაში და გეგმავს თავისი სიტყვა თქვას თანამედროვე მოდაში.
მთელი ოჯახი ვაკვირდებით ბეჭდვის პროცესს, ველოდებით დასრულებულ შედეგს, განვიხილავთ ხარისხს, ვთანამშრომლობთ სამომავლო დიზაინებზე.
ესეც სოციალურია. ცოტა განსხვავებული.
ტელეფონის მახე
ჩვენ განვაახლებთ, რადგან ითვლება, რომ ასეა საჭირო. ტელეფონების ფასები საქართველოში განაგრძობს ზრდას – უფრო ახალი მოდელები ადვილად აღწევს 3,000-4,000 ლარს. და ციკლი უსასრულოა.
მაგრამ თქვენი შვილის განვითარება ნამდვილად საჭიროებს უახლეს iPhone-ს? თუ მეტად სჭირდება ხელსაწყო, რომელიც შექმნას, კრეატიულობას და პრობლემების გადაჭრას ასწავლის?
რა თქმა უნდა, არ ვამბობ, არ შეიძინოთ ტელეფონებითქო. ის ყველას გვჭირდება. მაგრამ როდესაც ეს არის საჩუქარი, სპეციალურად შერჩეული “დიდი ნივთი” – დაფიქრდით, რა უფრო ღირებულია თქვენი შვილის განვითარებისთვის?
გართობის საკითხი
“მაგრამ ბავშვებს გართობა სჭირდებათ! 3D ბეჭდვა სამუშაოს ჰგავს!”
ჩემი ბავშვები (და დარწმუნებული ვარ ნებისმიერი სხვა ბავშვიც) ფიქრობენ, რომ ბეჭდვის დასრულების ყურება გართობაა. ისინი ფიქრობენ, რომ ახალი რაღაცის დიზაინი გართობაა. ისინი ფიქრობენ, რომ დიზაინის დახვეწვის პროცესი გართობაა.
ეს ნამდვილი ჩართულობაა და არა გადართვა.
PlayStation უზრუნველყოფს გართობის საათებს. აბსოლუტურად. მაგრამ 3D ბეჭდვა უზრუნველყოფს გართობის საათებს პლუს უნარებს, პლუს სასარგებლო ობიექტებს, პლუს თავდაჯერებულობას, რომელიც მოაქვს ამ პროცესს.
სპეციალურად მშობლებისთვის
თუ ხარ მშობელი, რომელიც ამ შენაძენებს განიხილავს:
ტელეფონის განახლება: თქვენი თინეიჯერი ალბათ არ საჭიროებს ფლაგმანურ 3,500+ ლარიან მოდელს. საშუალო დონის ტელეფონი აკეთებს ყველაფერს, რაც მათ სჭირდებათ. 1,000-1,500 ლარით, რომელსაც დაზოგავთ, შეგიძლიათ იყიდოთ 3D პრინტერი.
თამაშის კონსოლი: თუ უკვე გეგმავთ მის ყიდვას, იფიქრეთ: შეუძლია თუ არა 3D პრინტერს უფრო გრძელვადიანი ღირებულების მოტანა?
3D პრინტერი: იგივე თანხა, რამდენიც PlayStation-ის კომპლექტი თამაშებით. მაგრამ ის ასწავლის, ქმნის და განაგრძობს სარგებლის მოტანას წლების განმავლობაში.
რაში მდგომარეობს ნამდვილი შეკითხვა
საქმე მხოლოდ იმაში არ არის, რომელი ნივთი რა ღირს.
საქმე იმაშია, თუ რა ხდება ამ შენაძენის შემდეგ სახლში.
ტელეფონის შეძენის შემდეგ: თქვენი თინეიჯერი უკეთესად იქნება შეიარაღებული სოციალური მედიისთვის ფოტოების გადასაღებად.
PlayStation-ის ყიდვის შემდეგ: თქვენს ოჯახს აქვს ახალი გასართობი და ხარისხიანი თამაშის დროს ატარებთ ერთად.
3D პრინტერის ყიდვის შემდეგ: თქვენი სახლი ხდება ადგილი, სადაც იდეები რეალობად იქცევა. სადაც “ვისურვებდი, რომ გვქონოდა…” ხდება “მოდი, შევქმნათ…”. სადაც გატეხილი არ ნიშნავს შეცვლილს. სადაც საჩუქრები პერსონალური და მნიშვნელოვანია. სადაც ბავშვები სწავლობენ, რომ შეუძლიათ დიზაინით გადაჭრან პრობლემები.
ინვესტიცია, რომელიც ასწავლის
აი, რას ასწავლა 3D პრინტერმა ჩემს შვილებს, რასაც ტელეფონები და თამაშის კონსოლები ვერ შეძლებდნენ:
- პრობლემების გადაჭრა: როცა დიზაინი არ მუშაობს, გაარკვიე რატომ
- იტერაცია: პირველი ვერსიები ხშირად წარუმატებელია; ეს პროცესის ნაწილია
- სივრცული აზროვნება: ფიქრი სამ განზომილებაში
- მოთმინება: კარგი რაღაცები დროს მოითხოვს შექმნისთვის
- ეკონომიკა: მასალის ხარჯების გაგება, ფასდადება, მოგება
- კლიენტების მომსახურება: თუ ყიდი რასაც ქმნი, სწავლობ მომსახურებასაც
- თავდაჯერებულობა: “მე ეს შევქმენი” მძლავრი გამონათქვამია
ეს გაკვეთილები ბევრად აღემატება იმ თანხას, რომელიც პრინტერზე დავხარჯეთ.
იქნებ ორივე?
შესაძლოა ფიქრობთ: რატომ არა ორივე? მიიღეთ ტელეფონის განახლება და 3D პრინტერი. ან PlayStation და პრინტერი.
თუ ბიუჯეტი იძლევა საშუალებას, შესანიშნავია. მაგრამ თუ არჩევანს აკეთებთ, დაფიქრდით, რომელი შენაძენი ასწავლის, ქმნის და აგროვებს გამოცდილებას დროთა განმავლობაში.
საახალწლო საჩუქრის ფილოსოფია
ტრადიციული საშობაო საჩუქრები მოიხმარება. სათამაშო ტყდება. თამაში მთავრდება. ტანსაცმელი პატარავდება ან ცვდება. გამოცდილება სრულდება.
3D პრინტერი განსხვავებულია. ეს საჩუქარია, რომელიც განაგრძობს შექმნას. ყოველ თვე, ის ქმნის ახალ რაღაცებს. ყველა პროექტი ასწავლის ახალ უნარებს. ყველა გადაწყვეტილება, რომელსაც ბეჭდავს, ზოგავს ფულს და ასწავლის რაღაც ახალს.
ჩემი შვილის ზაფხულის ტრანსფორმაცია ერთადერთი არ იყო. ეს ხდება ყოველთვის, როცა ბავშვებს აქვთ წვდომა შექმნის ინსტრუმენტებზე მოხმარების ინსტრუმენტების ნაცვლად.
გულწრფელი შეფასება
მე არ ვამბობ, რომ 3D პრინტერები სრულყოფილია. ისინი მოითხოვენ ზედამხედველობას პატარა ბავშვებთან. ბეჭდვები ზოგჯერ წარუმატებელია. სწავლის გზა ზოგჯერ მრუდია. ფილამენტის ხარჯები იზრდება, თუ მუდმივად ბეჭდავთ და ა.შ.
მაგრამ ტელეფონებიც ტყდება. ისინი ხდებიან მოძველებული. ისინი წაახალისებენ პასიურ მოხმარებას.
თამაშის კონსოლები იგივეს აკეთებენ. გართობა? აბსოლუტურად. საგანმანათლებლო? ზოგჯერ. ცხოვრების შემცვლელი? იშვიათად.
3D პრინტერი იმავე ფასების დიაპაზონშია, როგორც ეს მოწყობილობები. მაგრამ რას ასწავლის, რას უწყობს ხელს, რას ქმნის – ეს შეუდარებელია.
არჩევანი
ამ საახალწლო სეზონზე, თქვენ ალბათ დახარჯავთ 2,500-3,500 ლარს რაღაც მნიშვნელოვანზე თქვენი ოჯახისთვის. ტელეფონი. თამაშის კონსოლი. რაიმე დიდი შენაძენი.
სანამ ამას გააკეთებთ, ჰკითხეთ საკუთარ თავს: ხუთ წელიწადში, რას შექმნის ეს შენაძენი თქვენს სახლში?
გართობის საათებს? ალბათ.
შექმნის უნარებს, თავდაჯერებულობას, გადაწყვეტილებებს და შექმნის სრულიად ახალ მენტალიტეტს უბრალოდ მოხმარების ნაცვლად?
ამას აკეთებს 3D პრინტერი.
მსგავსი ფასი. განსხვავებული შედეგი.
კითხვა არ არის, შეგიძლიათ თუ არა 3D პრინტერის ყიდვა. თქვენ უკვე გეგმავთ ამ თანხის დახარჯვას. კითხვა არის: რა გინდათ, რომ ამ თანხით მიიღოთ?
მზად ხართ შეისწავლოთ 3D პრინტერები თქვენი ოჯახისთვის? დაგვიკავშირდით, რათა განვიხილოთ, რომელი მოდელი შეესაბამება თქვენს საჭიროებებს და ბიუჯეტს.
კომენტარის დატოვება